विश्वशांती विद्यालयाच्या उज्वल यशाची परंपरा कायम
सावली (तालुका प्रतिनिधी) महाराष्ट्र राज्य माध्यमिक व उच्च माध्यमिक शिक्षण मंडळ पुणे च्या वतीने घेण्यात आलेल्या इयत्ता दहावी परीक्षेचा निकाल नुकताच जाहीर झाला या परीक्षेत भारत शिक्षण प्रसारक मंडळ सावलीद्वारा संचालित विश्वशांती उच्च माध्यमिक विद्यालय सावली येथील अंशू संतोष कोटरंगे याने ४६१(९२.२० टक्के) गुण मिळवून विद्यालयातून प्रथम तर तालुक्यातून तिसरा येण्याचा बहुमान मिळवला आहे.
द्वितीय क्रमांक स्विटी अविनाश गेडाम४५५(९१.००टक्के) गुण मिळवून विद्यालयातून द्वितीय क्रमांक पटकाविला आहे तर आर्यन प्रफुल येनूरवार याने ४३१ (८६.२० टक्के) तृतीय क्रमांक मिळवला आहे.दरवर्षी प्रमाणे याही वर्षी विश्वशांती विद्यालयाने उज्वल यशाची परंपरा कायम ठेवली आहे.
गुणवंत विद्यार्थ्यांचे भारत शिक्षण प्रसारक मंडळाचे अध्यक्ष संदीपभाऊ गड्डमवार ,सचिव राजाबाळ पाटील संगीडवार,सर्व पदाधिकारी तथा सदस्य , विश्वशांती विद्यालयाचे मुख्याध्यापक रवींद्र मुप्पावार,पर्यवेक्षक राजेश झोडे, विद्यालयातील सर्व शिक्षक तथा शिक्षकेतर कर्मचारी वृदांनी अभिनंदन करीत पुढील वाटचालीस हार्दिक शुभेच्छा दिल्या.
