अपघातात सावली,मूल, गोंडपीपरी तालुक्यातील युवकांचा मृत्यू
सावली तालुक्यातील बोथली- हिरापूर रोड वरील मार्कंडेय विद्यालयासमोर झालेल्या अपघातात दोघे ठार तर एकजण गंभीर जखमी झाल्याची घटना बुधवारी रात्री ९.३० वाजताच्या सुमारास घडली.
हर्षद संदीप दंडावार (१८ रा. बोरचांदली ता. मूल) याच्यासह साहिल नंदू गणेशकर वय 20 वर्ष रा.भंगराम तळोधी यांचा मृत्यू झाला. तर साहील अशोक कोसमशीले २१ रा. बोथली हा गंभीर जखमी असून गडचिरोली जिल्हा सामान्य रुग्णालयात उपचार साठी नेले मात्र त्याचा ही मृत्यू झाल्याची घटना घडलेली आहे..
शेतातून काम करून ट्रॅक्टर ही रोड च्या कडेला लावून लाईट सुरू ठेवून एका सोबतीची वाट बघत असतांनाच केटीएम कंपनीची MH 34 CL3229 या दुचाकी वर तिघे जण भरधाव वेगाने जात असतानाच दुचाकी स्वराचा संतुलन सुटला आणि त्याने उभी असलेल्या ट्रॅक्टर MH 34 AP 1042 च्या मोठ्या चाकाला जबर धडक दिली. धडक इतकी भीषण होती की हर्षद दंडावार याचा जागीच मृत्यू झाला. तर साहील कोसमशीले व बाईकवर असलेला तळोदी येथील त्यांचा मित्र साहिल गणेशकर गंभीर जखमी झाला.
त्या दोघांना गडचिरोलीच्या रुग्णालयात नेताना साहिल चा वाटेतच मृत्यू झाला.तर कोसनशिले या युवकाचा उपचारांअंती मृत्यू झाला. तीनही युवक हिरापूर येथे नाटक पाहण्यासाठी जात असल्याचे समजते.
सद्या रोड चे काम सुरू आहे. अपघाताची माहिती मिळताच सावली पोलीस घटनास्थळी आले व जखमींना उपचारासाठी भरती केले अपघाताचा तपास पोलीस पुढे करीत आहे.
मात्र या अपघाताने सर्वत्र हळहळ व्यक्त केल्या जात आहे.अपघातातील तिन्ही तरुण युवक हे पंचविस च्या वयाचे आहेत.
